Авто делови AutoCentar.MK - онлајн продавница

Авто делови AutoCentar.MK - онлајн продавница амортизери, квачила, ламела, спона, дискови, плочки, филтер, јабучица, стабилизатор, чаура, каиш и др.

Онлајн продавницата AutoCentar.MK е современа, иновативна платформа за резервни авто делови за коли, камиони и мотори. Основната дејност ни е увоз и дистрибуција на делови за сите марки автомобили. На нашиот вебсајт може да пронајдете над 300 категории со делови за вашиот автомобил на светски докажани брендови. Располагаме со над 800 000 продукти, кои можат да бидат доставени во временски интервал од само неколку работни денови.Трговскиот дел на нашата компанија е составен од млади квалифицирани професионалци, кои располагаат со лиценцирани каталози за пребарување на авто делови по број на шасија (VIN број). Нашиот каталог за авто делови е јасно подреден за конктерно и брзо пребарување. Во него можете брзо и лесно да пронајдете делови за вашиот автомобил, со одбирање на категоријата, марката, моделот и моторот на автомобилот.


Магацинот со продукти на AutoCentar.MK се обновува секојдневно и секојдневно може да пронајдете нови продукти на достапни ниски цени. Секоја направена порачка се обработува од нашите вработени , кои ја потврдуваат достапноста на секој еден нарачан продукт. По извршената проверка , следува поврзување со вас со цел да се договори денот во кој продуктите ќе ви бидат доставени на дадената адреса. Во случај, продуктите кои сте ги нарачале да се истрошени, поради причината што достапноста на продуктите е динамична и се менува со секоја измината минута, може да ви предложиме брза достава од странство за неколку денови или алтернатива од друг производител по добра цена. Во случај, да не сте заинтересирани за чекање на продукт по порачка или за друг наш продукт, имате право да ја откажете вашата порачка. Секоја нарачка се доставува со карго превозникот Карго Експрес, до нивна база односно седиште во наведениот град. Секој наш продукт може да биде вратен или заменет во рок од 14 дена. Делот не треба да биде монтиран и да биде со зачувана опаковка од страна на трговскиот производител. При не практикување на овие услови како изгубена опаковка или монтиран продукт, AutoCentar.MK има право да не го прима вратениот авто дел, односно продукт.

Како да го изберете правилниот производител на делови за вашиот автомобил?


С о сигурност откако ќе го изберете вашиот автомоби и влезете во делот со категории на делови се прашувате кој производител да го одберете. Сега ќе ви дадеме кратко упатство како да го изберете соодветниот продукт за вашиот автомобил.


Во денешно време многу луѓе зборуваат дека цената не го определува и квалитетот но тоа не е така!


• Систем за сопирање – Ако барате добри кочници за вашиот автомобил, со сигурност можете да се доверите на ATE. Производител кој се користи како оригинално вградување во голем дел од прозиводителите на автомобили. Да, нивните делови се скапи, но ако сакате автомобилот да сопре кога ќе ја претиснете сопирачката тогаш со сигурност тоа е вашата марка.

• Менувач – Секој втор човек со сигурност слушнал за марките LUK и SACHS. Тоа се германски производители со извонредно добро производство на кое може да му се доверите.

• Амортизери – Во денешно време има многу производители на амортизери, но за Македонскиот пазар единствените за кои предлагаме, со 2 години гаранција се Sachs, Bilstein, Kayaba и Monroe.

• Подвозје – Благодарение на нашите патишта, често сме приморани да ги смениме деловите како што се, јабучици, стабилизатори, зглобови, чаури и друо. Тука пазарот предлага огромно изобилство од цени и варианти за овие делови, но ако сакаме нешто квалитетно и надежно, кое нема да мора да го смените повторно после 2 месеца, со сигурност може да изберете Lemforder или TRW.

• Каиши и пренос – Многу клиенти незнаат како да го изберат правилниот каиш или дел од преносот за нивниот автомобил. Нашата препорака за вас е да не правите компромис, кога го менувате вашиот ребрест каиш. Ако купите ефтин со непознато потекло, ризикувате да си нанесете огромни главоболки!
 Производители на кои може да се доверите за овие делови се CONTITECH, GATES, SKF, INA.

• Гарнитури – Многу од автомобилите имаат пролизгување на масло од моторот кое доаѓа од истрошените дихтунзи и гарнитури. Тука изборот е лесен, може да се довериме на германските гарнитури Elring и Victor Reinz.

• Систем за ладење – Во оваа категорија влегуваат делови како што се воден радиатор (ладник), термостат, црева, водни пумпи и многу други. Преку нив поминува разладувачката течност, која го лади вашиот мотор. Располагаме со огромно изобилие од варианти на различни цени и различен квалитет. Може да изберете Nissens, NRF, Hepu и многу други.

• Клима уред – Ако секоја година се чудите зошто дополнувате фреон, тоа со сигурност е затоа што имате проблем со претекување на фреон од клима- системот. Најчесто причина е дупка од каменче во радиаторот за клима, поради тоа што тој се наоѓа во предниот дел на возилото. За да избегнете вакви проблеми треба да извршите дијагностика, преку која ќе се констатира кој дел од системот е повреден или не фукнционира и да ја смените со нова. Кај нас може да најдете квалитетни делови за клима на марките Denso, Hella и Valeo.

• Филтри – Секој мисли дека филтрите за автомобилот се само една обликувана хартија, но тоа не е точно! Најквалитетните филтри се на следните производители: Bosch, Mann-Filter, Mahle, Knecht и Filtron.

• Електроника и сензори – Ако реално и детално може да замислите колку сензори има во еден автомобил, нема да може да си поверувате. Во секој автомобил има ламбда сонда, сензор за вбризгување на гориво и многу други. Квалитетот овде е на страната на производителите Pierburg, VDO (Siemens) и Vemo.
• Систем за палење – Безкомпромисен квалитет можеме да најдеме во производителите BERU, BOSCH, NGK и DENSO.
• Акомулатори – Ви се има ли случено да купите акомулатор кој после една година употреба треба да биде сменет повторно? Со гаранција од 2 години на производителите BOSCH, VARTA, EXIDE и BANNER тоа повеќе нема да ви се случи.
• Бришачи – Во денешно време многу од автомобилите се произведуваат со бришачи со специфични димензии, ако сакате да не го губите времето со универзални бришачи со додатоци, можете да купите оригинални бришачи BOSCH, VALEO или SWF.
• Каросерија – За жал поради одредени невниманија во сообраќајот ни се налага да извршиме промена на детали од каросеријата на нашиот автомобил кои биле скршени, пункати или свиткани. Па тука произлегуваат прашањата каде се произведени деловите, пластиката дали е мека и еластична и многу друго. На цел европски пазар сите каросериски делови се произведуваат во Тајван, но тоа не значи дека тие не се квалитетни. Овие продукти се произведени за европскиот пазар и се одликуваат со многу високо ниво на производствен квалитет. Може да изберете квалитетни продукти од производителите BLIC, VAN WEZEL, DEPO и TYC.

Нашата мисија е да ви предложиме една современа платформа за лесно и брзо пазарување на автоделови онлајн, со која вие би ги избрале соодветните делови за вашиот автомобил. Ако се колебате и не можете да се решите кој точно е соодветниот дел за вашиот автомобил, секогаш можете слободно да се поврзате со нас на телефонскиот број или на онлајн чатот во работно време.